Get yersel set for a fu day o traditional music an sang as e Huntly Ceilidh Day comes back tae Stewarts Ha on Setturday, 25t October. Faain in e Aiberdeenshire tattie holidays, iss fantastic event gies a perfect opportunity for fowk o aa ages an abilities tae immerse thairsels in Scotland’s vibrant musical heirskip wi day time warkshops an a special evenin concert.
Huntly, a historic mercat toon in Aiberdeenshire, is kent as “E Granary o Aiberdeenshire.” Situated approximately 39 mile northwast o Aiberdeen an 11 mile sooth o Keith, it’s easy tae get tae by road. For fowk traivellin by motor, pairkin is available in e toon. If ye’re relyin on public transport, regular bus services connect Huntly tae Aberdeen an ither surroondin toons. Mak siccar tae check local bus timetables in advance tae plan yer journey.
E day features a series o warkshops led by acclaimed traditional muisicians. In e evenin, e airtists will come thegither for a performance by the celebrated Iona Fyfe Trio. Iss event hauds special significance as Iona Fyfe, a native o Huntly, returns tae her hame toon tae share her extraordinary talent.
Gaan alang tae events like e Huntly Ceilidh Day is a braw wey tae enjoy warld-class music fyle actively supportin e airtists an organisers fit bring iss vital cultural experiences tae wir communities. It’s a chunce tae celebrate an sustain e rich tapestry o the Scots leid an heirskip for generations tae come.
Scots sangs, aften passed doon throu oral tradition, are a pouerfu expression o Scotland’s history, ilka day life, an unique linguistic identity. By pairticipatin, ye’re helpin tae haud iss traditions alive an thrivin.
Trad Music Warkshops
Fither ye’re leukin tae pick up a nyow skill or refine een ye hae aaready, ere’s a warkshop for ye. Beukin aheid o time is recommended tae siccar yer place.
- 🎻 Fiddle (Intermediate) wi Dylan Cairns
Time: 13:30 – 14:45 - 🎹 Accompaniment (Aa Instruments) wi Michael Biggins
Time: 15:00 – 16:15 - 🎤 Singin (Aa Abilities) wi Iona Fyfe
Time: 16:30 – 17:45
Warkshops are priced at £9 per person. Free bursary places are available on a nae-questions-speirt basis by gettin in touch via Iona Fyfe’s wabsite.
Beuk yer warkshop ticket here: https://www.tickettailor.com/events/huntlyceilidhday/1862666
Evenin Concert wi the Iona Fyfe Trio
E day culminates in an evenin concert featurin e formidable talents o Huntly’s ain Iona Fyfe, Dylan Cairns, an Michael Biggins. Doors apen at 19:00, wi music stertin at 19:30 for an evenin o Scottish folksangs an stories ye winna forget.
Iona Fyfe is een o Scotland’s finest sangsters an a passionate advocate for e Scots leid, aat serves as e Rector o the University o Aiberdeen. Her performances are kent for thair hert an authenticity, bringin traditional sangs tae life wi stunnin clarity an emotional depth.
Tickets are £14 for adults an £12 for concessions, wi the fantastic offer o free entry for aa unner 12s, makkin it a braw faimily-freenly event.
Beuk yer concert tickets here: https://www.tickettailor.com/events/huntlyceilidhday/1862648