Efter a year o conflict in Sudan, e situation bides dire, wi ower 8 million fowk, hauf o fa are bairns, facin acute feed insecurity. E conflict his caused extreme shortages o essential resoorces like feed, watter, medicine, an fuel, affectin nairly 18 million fowk. Humanitarian access his been sair restricted due tae intense violence an movement limitations.

E ongaan conflict in Sudan his resultit in ower 1,400 violent events targetin civilians syne its inception. E economy his suffered a muckle blaw, contractin by 12% in 2023 as a result o halted production an e destruction o human capital. This his led til e lairgest displacement crisis in Sudan, wi 6.1 million Sudanese forced tae flee their hames.

E education sector his been sair impacted by e conflict, wi lang-term consequences on education, culture, an media. Urban centers hae seen intense fechtin, resultin in e deiths o 13,900 fowk an e displacement o 8.1 million ithers. E situation in Sudan bides volatile, wi millions o lives an livelihoods at stake.

Efforts tae address e escalatin humanitarian crisis an prevent further atrocities are urgently needit. International intervention is crucial for tae mitigate e impact o e conflict on e civilian population an wirk towards a peaceful resolution in Sudan. E need for ethical an lawful actions, in line wi e UN Declaration o Human Rights, is paramount for tae ensure e protection o human rights in e region.