Scotland is increasin its efforts tae help polis an dug wardens manage dangerous an uncontrolled dogs. Da Scottish Government annoonced dis plan at da Responsible Dug Awnership Summit last September.

Da polis an dug wardens will get near £200,000 in fundin. Polis Scotland received £166,000 tae train its officers tae recognise banned breeds. Dis money will help buy new, specially equipped vans tae safely transport dugs dat are oot o control. Da National Dug Warden Association (NDWA) got £30,000 tae train wardens wha wark wi local communities.

Community Safety Minister Siobhian Brown said, “Maist dug awners are responsible. Hooanivver, we maun protect da public frae dugs dat micht pose a danger. Da fundin for Polis Scotland an da NDWA will help us control dangerous dugs an improve public safety. Da NDWA trainin fund will help dug wardens promote responsible anwership, advise on dug weelfare, an mak siccar fowk follae da laa. I thank iverybody wha jyned da Responsible Dug Awnership Summit an look forrit tae warkin tagidder tae mak dug safety even better.”

Jim Ferguson, Chair o da NDWA, added, “We are prood tae wark wi da Scottish Government. Oor organisation represents local authority dug wardens throuoot Scotland. We walcome da recommendations frae da summit report. Biggin on its progress, we will continue tae review existin policies an look for mair weys tae protect fowk an deyr pets.”

Da summit report shaws clear steps for improvin public safety an promotin guid pet care. Scottish authorities will monitor dug control issues an keep lookin for better weys tae protect communities an deyr fower-legged freends.